Ola chicas e chicos,
Hoxe quero lembrarvos que na páxina web do cole, tamén podedes atopar propostas que facemos entre todas as profes de infantil. Hai cousas que se vos apetece podedes ver ou facer.
Hai unha webmix de contos que recompilou a profe Begoña que mola un montón.
Déixovos aquí o enlace por se vos resulta máis práctico ir desde aquí.
Páxina do cole
https://www.edu.xunta.gal/centros/cpicernadascastro/node/2493
Pero como sei que vos gustan moito os contos creo que esta páxina da editorial Kalandraka vaivos gustar moito.
KALANDRAKA TV
O que me gusta moito e que quen conta os contos son autoras/es e tamén tamén ilustradoras/es
Quero tamén dicirvos a todas e a todos que me encanta ver as fotos que mandades e que estou agardando a ter máis para subilas.
Bótovos moitísimo de menos. QUÉROVOS MOITO. UN BICO GRANDE
PROMOCIÓN 2020/2023
BENVIDAS E BENVIDOS A INFANTIL B.
Este blog fixóse en marzo do 2020 porque a pandemia da Covid 19 provocou un estado de alerta sanitaria que causou o peche da escolarización presencial.
Hoxe 9 de setembro retoma a súa función porque continuamos en situación de pandemia e podemos ter que volver ao ensino non presencial nalgún momento.
Pero imos darlle unha función de dinamización da actividade na aula e de conexión entre a familia e a escola, nestes tempos que tanto temos que manter a distancia de seguridade.
Eu irei subindo contidos en función dos proxectos que levemos a cabo na aula e as familias podedes ver en calquera momento o que traballamos. Pretende ser un fío que nos conecte, que nos permita coñecernos mellor e facer unha comunidade de convivencia. Ao fin e ao cabo seredes a PROMOCIÓN 20/23 e aínda que agora nos parece a todos e a todas que queda moito, asegúrovos que medran e aprenden moi rápido.
Temos un lema que nos define e que está na cabeceira do blog e penso que define moi ben a nosa filosofía como grupo.
As nenas e nenos noviños teñen moitos retos por diante, cada quen os seus, e entre todas e todos imos axudar a que os consigan sendo persoas responsables e felices
Estamos ante un curso complicado, con moitas normas sanitarias e poucos recursos para cumprilas con facilidade pero INTENTAREMOS FACER TODO O QUE POIDAMOS PARA QUE TODAS E TODOS ESTEAMOS BEN TODO O CURSO.
No hay comentarios:
Publicar un comentario