FINAL DE CURSO

Chegamos ao final dun estraño curso para todas e todos. Remata unha etapa sen poder facer unha preparación coas nenas e nenos; sen que podan encontrarse cos compañeiros e compañeiras e compartir así, as súas emoción e vivencias dun proceso que tiveron que asumir sen chegar a entender moi ben a relevancia que ten.
A pesar de todas as dificultades considero que conseguimos saír adiante sen perder a esencia do grupo.
Quero felicitar a todas as criaturas polo ben que se portaron e polo moito que aprenderon, pero tamén agradecer a colaboración das familias e a súa implicación, sen a que nada sería posible.
Entendo a Educacion Infantil como unha etapa educativa fundamental no desenvolvemento das nenas e nenos.
Tal e como se ve na foto de inicio deste blog, A educación precisa que familias, docentes e nenas e nenos camiñemos xuntos. Eu engadiría a todas as persoas que nos facilitan a vida no colexio: conserxes, coidadoras, limpadoras, cociñeiras...
O meu empeño sempre é formar individuos bondadosos, con principios e escala de valores correcta. Nenas e nenos que se traten ben, que se coiden e se axuden. En definitiva que se respecten. Nisto, como en todo, poño sempre o meu maior empeño.
A evolución deste complexo grupo é enorme, tanto a nivel global como individual. O camiño está marcado e cada quen vai percorrelo ao seu ritmo en función dos seus intereses, actitudes, aptitudes, competencias. 
Todas e cada unha das persoas temos retos que lograr, e coas nenas e nenos sucede o mesmo. Cada quen ten os seus e todos e cada un son importantes, por iso é tan necesaria a cohesión o respecto mutuo e a axuda dos que nos rodean para afrontalos e seguir avanzando e aprendendo.
Aprender é un proceso permatente que nunca remata na vida, afortunadamente. Eu este curso aprendín moito e estou moi orgullosa de seguir tendo esa oportunidade con cada neno e cada nena que chega a

GRAZAS

                     Ana