LOUSAME INFANTIL B: septiembre 2020

PROMOCIÓN 2020/2023

BENVIDAS E BENVIDOS A INFANTIL B.

Este blog fixóse en marzo do 2020 porque a pandemia da Covid 19 provocou un estado de alerta sanitaria que causou o peche da escolarización presencial.

Hoxe 9 de setembro retoma a súa función porque continuamos en situación de pandemia e podemos ter que volver ao ensino non presencial nalgún momento.

Pero imos darlle unha función de dinamización da actividade na aula e de conexión entre a familia e a escola, nestes tempos que tanto temos que manter a distancia de seguridade.

Eu irei subindo contidos en función dos proxectos que levemos a cabo na aula e as familias podedes ver en calquera momento o que traballamos. Pretende ser un fío que nos conecte, que nos permita coñecernos mellor e facer unha comunidade de convivencia. Ao fin e ao cabo seredes a PROMOCIÓN 20/23 e aínda que agora nos parece a todos e a todas que queda moito, asegúrovos que medran e aprenden moi rápido.

Temos un lema que nos define e que está na cabeceira do blog e penso que define moi ben a nosa filosofía como grupo.

As nenas e nenos noviños teñen moitos retos por diante, cada quen os seus, e entre todas e todos imos axudar a que os consigan sendo persoas responsables e felices

Estamos ante un curso complicado, con moitas normas sanitarias e poucos recursos para cumprilas con facilidade pero INTENTAREMOS FACER TODO O QUE POIDAMOS PARA QUE TODAS E TODOS ESTEAMOS BEN TODO O CURSO.

miércoles, 9 de septiembre de 2020

BENVIDOS E BENVIDAS A INFANTIL B

OLA A TODAS E A TODOS.

IMOS EMPEZAR UN CURSO NO QUE SOMOS NA CLASE 14. PODEDES CONTALOS NA FOTO, A VER SE SABEDES CANTAS NENAS HAI?, E CANTOS NENOS?

É QUEN SERÁ A QUE TEN UNHA BATA DE COLOR VIOLETA?
MIRADE CANTAS COUSAS HAI NESA FOTO.
A VER SE SOMOS QUEN DE DICIR MOITAS

EU VEXO UN MANCHURRÓN NEGRO DE ALGUÉN QUE LLE DEBEU CAER PINTURA

AÍNDA QUE AQUÍ TEDES OS VOSOS DEBUXOS CREO QUE TAMÉN TEREMOS QUE POÑER FOTOS PARA PODER COÑECERNOS MELLOR E QUE NOS COÑEZAN TODAS AS FAMILIAS. QUE VOS PARECE?
SABEDES QUE?. NA NOSA CLASE HAI UN SEGREDO. VOUVOS DAR UNHA PISTA

UNHA CASIÑA!!!! QUEN VIVIRÁ NESA CASIÑA?
HAI UNHAS LETRAS AÍ ABAIXO. QUE POÑERÁN?. NON SE VEN MOI BEN.
VEREDES COMO VOS GUSTA DESCUBRIR QUEN VIVE NESTA CASIÑA.
E AGORA A ESCOITAR E VER UNHA CANCIÓN MOI CHULA

PARA REMATAR UN CONTO PRECIOSO